Bu İstifadəçi Razılaşması (“Razılaşma”) “Smart Bina” sisteminin sahibi olan “MİB Solution” MMC (bundan sonra “Şirkət” adlandırılacaq) ilə sistemə daxil olan və istifadə edən fiziki və ya hüquqi şəxs (“İstifadəçi”) arasında bağlanır.
Sistemi istifadə etməklə İstifadəçi aşağıda göstərilən şərtlərlə razılaşmış hesab olunur.
2. Qeydiyyat və hesab
2.1. Sistemdə təqdim olunan bəzi funksiyalardan istifadə etmək üçün istifadəçi qeydiyyatdan keçməlidir.
2.2. İstifadəçi təqdim etdiyi məlumatların düzgünlüyünə, tamlığına və aktuallığına görə məsuliyyət daşıyır.
2.3. Hesab məlumatları yalnız istifadəçinin özünə aiddir və üçüncü şəxslərlə paylaşılması qadağandır.
3. İstifadə hüquqları və məhdudiyyətlər
3.1. İstifadəçi platformadan yalnız qanuni və etik məqsədlərlə istifadə etməlidir.
3.2. Aşağıdakı fəaliyyətlər qəti şəkildə qadağandır:
Sistemin və ya digər istifadəçilərin məlumatlarının icazəsiz əldə edilməsi və ya dəyişdirilməsi
Zərərli proqram, virus və ya kodların sistemə daxil edilməsi
Avtomatlaşdırılmış və ya manipulyasiyaedici üsullarla xidmətlərdən istifadə
Təhqiredici, qeyri-qanuni və ya hüquqları pozan məlumat paylaşımı
4. Toplanan məlumatlar və emal Məqsədi
4.1. Platforma vasitəsilə aşağıdakı məlumatlar toplanır:
Ad və soyad
Müraciətçinin hüquqi satusu
Şirkətin adı
Vəzifə
E-poçt ünvanı
Əlaqə nömrəsi
Yaşayış kompleksinin adı və ünvanı
Kompleks üzrə bina və mənzil sayı
4.2. Toplanan məlumatlar aşağıdakı məqsədlərlə istifadə olunur:
İstifadəçi tərəfindən təqdim olunmuş müraciətin emalı və əlaqə yaradılması
MİB Solution MMC ilə gələcək əməkdaşlıqların təşkili
Xidmətlərə dair PR, reklam və təqdimat təşəbbüsləri
5. Məlumatların qorunması və saxlanması
5.1. İstifadəçinin məlumatları yalnız xidməti məqsədlərlə emal olunur və “Fərdi Məlumatların Qorunması Haqqında” qanuna uyğun şəkildə qorunur.
5.2. Məlumatlar yalnız onları təqdim edən şəxs və ya hüquqi subyekt tərəfindən dəyişdirilə və silinə bilər.
5.3. Şirkət məlumatların təhlükəsizliyi üçün bütün zəruri texniki və inzibati tədbirləri həyata keçirir. Məlumatlar qorunan serverlərdə saxlanılır və yalnız yetkili şəxslərin daxil ola biləcəyi şəkildə məhdudlaşdırılır.
6. Məlumatların paylaşılması
6.1. Toplanan fərdi məlumatlar yalnız aşağıdakı hallarda üçüncü tərəflərlə paylaşılır:
Rəsmi dövlət qurumlarının yazılı sorğusu və ya məhkəmə qərarı olduqda
SmartBina.az sisteminin texniki təminatı və xidmətin təqdim olunması məqsədilə tərəfdaş texnologiya şirkətləri ilə
MİB Solution MMC-yə bağlı qurum və partnyorlarla (yalnız razılaşdırılmış funksionallıqlar çərçivəsində)
6.2. İstifadəçinin açıq razılığı olmadan məlumatlar heç bir halda kommersiya məqsədilə üçüncü tərəflərlə paylaşılmayacaq.
7. İstifadəçinin hüquqları
İstifadəçi aşağıdakı hüquqlara malikdir:
Öz fərdi məlumatlarına çıxış tələb etmək
Məlumatlarının düzəldilməsini və ya silinməsini istəmək
Məlumatların emalına etiraz etmək və ya məhdudlaşdırılmasını tələb etmək
Texniki dəstək almaq
Sistemdən və məlumatların istifadəsindən imtina etmək
İstifadəçi bu hüquqlarından istifadə etmək üçün info@smartbina.az elektron ünvanı vasitəsilə şirkətlə əlaqə saxlaya bilər.
8. Şirkətin hüquq və öhdəlikləri
8.1. Sistemin fasiləsiz və təhlükəsiz şəkildə işləməsini təmin etmək;
8.2. Zərurət olduqda sistemin texniki baxışını və təkmilləşdirilməsini həyata keçirmək;
8.3. İstifadəçi razılaşmasının şərtlərini dəyişmək və bu dəyişiklikləri platforma üzərindən elan etməklə qüvvəyə mindirmək;
8.4. Qanunvericiliklə nəzərdə tutulan hallarda istifadəçi məlumatlarını müvafiq dövlət orqanlarına təqdim etmək.
9. Mübahisələrin həlli
Tərəflər arasında yaranan hər hansı mübahisə ilkin olaraq qarşılıqlı razılaşma yolu ilə həll olunmağa çalışılacaq. Bu mümkün olmadıqda, mübahisə Azərbaycan Respublikasının qanunvericiliyinə uyğun olaraq məhkəmə qaydasında həll ediləcək.
10. Razılaşmanın qüvvəyə minməsi və dəyişdirilməsi
10.1. Bu razılaşma istifadəçi tərəfindən platformadan istifadə edildiyi andan qüvvəyə minmiş sayılır.
10.2. Şirkət bu razılaşmanı istənilən vaxt dəyişdirmək hüququnu özündə saxlayır. Dəyişikliklər platformada dərc edildiyi andan etibarən qüvvəyə minmiş sayılır və istifadəçi bu dəyişikliklərlə razılaşmış hesab olunur.
11. Əlaqə
Bu razılaşma ilə bağlı sual, təklif və ya hüquqi müraciətlər üçün bizimlə aşağıdakı vasitə ilə əlaqə saxlaya bilərsiniz:
E-mail: info@smartbina.az
Əgər bu Razılaşma ilə razı deyilsinizsə, sistemdən istifadə etməməyiniz xahiş olunur.
Məxfilik Siyasəti
Son Yenilənmə Tarixi: 08.07.2025
Bu Məxfilik Siyasəti www.smartbina.az veb-saytı və “Smart Bina” mobil tətbiqi vasitəsilə təqdim olunan xidmətlərdən istifadə zamanı təqdim etdiyiniz şəxsi məlumatların necə toplanması, istifadəsi, saxlanması və paylaşılması qaydalarını müəyyən edir. Platformaya daxil olmaqla və ya hər hansı müraciət formasını doldurmaqla, bu siyasətin bütün şərtləri ilə razılaşmış sayılırsınız.
1. Qüvvəyə minmə və tətbiq sahəsi
Bu Məxfilik Siyasəti istifadəçi tərəfindən platformaya daxil olduğu andan etibarən qüvvəyə minir və İstifadəçi Razılaşmasının ayrılmaz tərkib hissəsini təşkil edir. Platformadan istifadə edən hər bir şəxs bu siyasətdə göstərilən prinsiplərlə razı olduğunu təsdiqləmiş sayılır.
2. Toplanan məlumatlar
İstifadəçilərdən aşağıdakı şəxsi məlumatlar toplanır:
Ad və soyad;
Şirkətin adı (əgər varsa);
Vəzifə (yalnız idarəedici orqanlar və təşkilatlar üçün);
E-poçt ünvanı;
Əlaqə nömrəsi;
Yaşayış kompleksinin adı;
Kompleksin ünvanı;
Kompleks üzrə bina sayı;
Kompleks üzrə mənzil sayı;
Bu məlumatlar istifadəçinin sistemə qoşulmaq məqsədilə təqdim etdiyi müraciət forması vasitəsilə toplanır.
3. Məlumatların toplanma məqsədi
Toplanan məlumatlar aşağıdakı qanuni və etik məqsədlərlə istifadə oluna bilər:
İstifadəçinin göndərdiyi müraciətin qəbul və cavablandırılması;
SmartBina sisteminin qurulması və istifadəsi üçün ilkin əlaqə;
MİB Solution MMC və tərəfdaşlarının xidmət və məhsulları barədə təqdimat və məlumatlandırma;
Hüquqi razılaşmaların icrası və istifadəçi təcrübəsinin təkmilləşdirilməsi;
Reklam və PR məqsədləri ilə məlumatlardan yalnız istifadəçinin açıq razılığı olduqda istifadə edilə bilər.
4. Məlumatların saxlanması və qorunması
4.1. Toplanan məlumatlar “Fərdi Məlumatların Qorunması Haqqında” Qanun və digər müvafiq normativ aktlara əsasən saxlanılır.
4.2. Məlumatlar yalnız yetkili şəxslərin daxil ola bildiyi qorunan sistemlərdə yerləşdirilir və icazəsiz giriş, dəyişiklik və yayım hallarına qarşı texniki və inzibati tədbirlərlə qorunur.
4.3. Platformada təqdim olunan məlumatların təhlükəsizliyini təmin etmək üçün SSL, şifrələmə, rol əsaslı giriş idarəsi və gündəlik ehtiyat nüsxələmə prosedurları tətbiq edilir.
5. Məlumatların paylaşılması
İstifadəçilərə aid şəxsi məlumatlar yalnız aşağıdakı hallarda üçüncü şəxslərlə paylaşılır:
Qanunvericiliyə əsasən rəsmi dövlət qurumlarının yazılı sorğusu və ya məhkəmə qərarı olduqda;
SmartBina sisteminin texniki dəstəyi, hostinqi və funksionallığının təmin olunması məqsədilə texnoloji tərəfdaş şirkətlərlə;
MİB Solution MMC-yə bağlı qurum və etibarlı xidmət təminatçıları ilə.
6. İstifadəçi hüquqları
İstifadəçilər aşağıdakı hüquqlara malikdirlər:
Öz şəxsi məlumatlarına çıxış əldə etmək;
Məlumatlarının dəyişdirilməsini və ya silinməsini tələb etmək;
Məlumatların emalına etiraz etmək və ya məhdudlaşdırılmasını istəmək;
Məlumatların istifadəsinə verdiyi razılığı geri götürmək.
Bu hüquqlardan istifadə etmək üçün istifadəçi info@smartbina.az ünvanına yazılı müraciət göndərə bilər.
7. Siyasətin dəyişdirilməsi
SmartBina.az bu Məxfilik Siyasətini istənilən vaxt dəyişdirmək hüququna malikdir. Dəyişikliklər platformada dərc olunduğu andan qüvvəyə minmiş sayılır. Əgər dəyişikliklər vacib hüquqi və funksional aspektləri əhatə edərsə, istifadəçilərə bu barədə elektron vasitələrlə əlavə məlumat verilə bilər.
8. Əlaqə
Bu siyasətlə bağlı hər hansı sual və ya müraciətiniz üçün bizimlə aşağıdakı vasitələrlə əlaqə saxlaya bilərsiniz:
